Tla ultima enes sons stac boni de mëter mpé na bela lista, scialdi davierta, cun candidates y candidac che lëura y ie atives te duc i ciamps (artejanat, turism, servijes, dependënc, paures, studënc, soziel, cultura, sport). Sun lista iel nce truepa ëiles, atives y da snait te si atività.
Deberieda ons laurà ora n program che toca duc i majeri argumënc de nosc luech. Publicon tlo dessot nosc primes ponc.
Uei me mëter a disposizion dla cumenanza, y son segur che, nce de grà a mi esperienza tla aministrazion, sarons boni de ti vester ala ndesfidedes di proscimi cin’ ani.
Speron te vosta crëta, vosta stima conta!
Zënza ne vala nia plu, y canche la sarà fata puderan smendrì la Tresval, adurvan la lerch che resta per l troi dla rodes, lerch per i zitadins, y n.i., ciche muderà la cualità de vita de dut l raion.
La Cësa de paussa muessa unì adateda al plu prësc ai bujëns de aldidancuei y ngrandida. L mancia nce servijes particuleres, sciche p.ej. l viver cumpanià.
L ie gran ëura che i jëuni y la families jëunes giate la poscibeltà de pudëi rué pra n cuatier, giatan nce n sustëni finanziel aldò di priejes che ie te Gherdëina.
La grupa dl Saslonch y i Plans de Cunfin dëssa deventé parch Naturel. Ora dl valor naturel nen vala de nosta ega, un di majeri valores che on.
De nuet mancel te Gherdëina suvënz n dutor de emergënza. Adurvon n servisc 24/24 da n dutor de prim aiut/reanimadëur, adum cun l Aiut Alpin Dolomites y l Zėnter Prim Aiut Soplajes.
La và de dediché plazes da mëter ju auti per la jënt da tlo (Curtina, Secëda y garage Pana).
La jënt de tëmp y nia mé chëla, se stënta suvënz cun la tecnica digitela, per ejëmpl l SPID, la firma digitela, y n.i.. Nëus meteron a jì te Chemun n Ufize aiut digitel, ulache l ti vën judà ala jënt pra l computer, l zeluler o l tablet.
Social Wall